ab ke ham bichhde to shaayad kabhii Khvaabon mein milenÂ
jis tarah suukhe hue phuul kitaabon mein milenÂ
Dhuundh ujade hue logon mein vafaa ke motiiÂ
ye Khazaane tujhe mumkin hai Kharaabon mein milenÂ
tuu Khudaa hai na meraa ishq farishton jaisaaÂ
dono.n insaan hain to kyon itane hijaabon mein milenÂ
Gam-e-duniyaa bhii Gam-e-yaar mein shaamil kar loÂ
nashaa badtaa hai sharaben jo sharaabon mein milenÂ
aaj ham daar pe khenche gaye jin baaton parÂ
kyaa ajab kal vo zamaane ko nisaabon mein milenÂ
ab na vo mai.n hun na tu hai na vo maazii hai `Faraaz’,
jaise do shaKhs tamannaa ke saraabon mein milenÂ
This entry was posted
on Friday, December 29th, 2006 at 8:21 am and is filed under Poetry.
You can follow any responses to this entry through the RSS 2.0 feed.
You can leave a response, or trackback from your own site.